Паўночна-Заходняя транспартная пракуратура Расеі арганізавала праверку выкананьня заканадаўства аб бясьпецы на паветраным транспарце ў сувязі з няспраўнасьцю самалёту авіякампаніі «Белавія» рэйсу В2-943 Менск — Санкт-Пецярбург.
Паводле папярэдняй інфармацыі, 7 красавіка 2018 году каля 00:05 пасьля прызямленьня ў аэрапорце «Пулкава» выяўленая няспраўнасьць пярэдняй стойкі шасі дадзенага паветранага судна.
На борце знаходзілася 62 пасажыры. Пацярпелых няма.
У «Пулкава» выяжджаў намесьнік Санкт-пецярбурскага транспартнага пракурора Аляксей Аптоўкін.
