Лінкі ўнівэрсальнага доступу

У Канадзе ў аварыі загінулі 14 маладых хакеістаў


Ілюстрацыйнае фота

У Канадзе ў аварыі, у якую трапіў аўтобус з моладзевай хакейнай камандай, загінулі ня менш за 14 чалавек.

Аварыя адбылася 6 красавіка вечарам на адной з трас ў правінцыі Саскачаван. Аўтобус, у якім гульцы каманды Humboldt Broncos ехалі на гульню з Nipawin Hawks, сутыкнуўся з грузавіком за 30 км ад горада Тысдэйл.

Паводле афіцыйных дадзеных, усяго ў аўтобусе знаходзіліся 28 чалавек, 14 зь іх загінулі, астатнія атрымалі траўмы. Тры чалавекі знаходзяцца ў крытычным стане.

Паліцыя праводзіць расьсьледаваньне абставінаў аварыі. Прэм’ер-міністар Канады Джасьцін Трудо выказаў спачуваньні семʼям загінулых і пацярпелым.

«Я не магу ўявіць, што перажываюць бацькі, і маё сэрца разам з усімі, хто пацярпеў ад гэтай страшнай трагедыі», — напісаў ён у Twitter.

Таксама спачуваньні выказала хакейная арганізацыя Канады.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG