Лінкі ўнівэрсальнага доступу

Фэст нетрадыцыйнай культуры ў Менску перанесьлі ў закрыты фармат празь ціск на арганізатараў


Адкрыцьцё квір-фэсту караткаметражных фільмаў і анімацыі ў Менску ў 2015 годзе

Фэстываль квір-культуры «Dotyk» меў урачыста адкрыцца ў пятніцу 6 красавіка ў прасторы «Сталоўка XYZ». Адкрыцьцё было адмененае праз апячатваньне памяшканьня, якое належыць заводу, дзяржаўнымі органамі. Музычная вечарына, якая плянавалася на вечар суботы, была спачатку перанесеная ў прастору Squat, а потым цалкам адмененая праз ціск на арганізатараў.

Мэдыя-служба руху «Дзея» распаўсюдзіла прэс-рэліз, у якім сьцьвярджае, што «перашкоды, якія чыняцца фэстывалю дзяржавай, могуць быць зьвязаныя з тым, што фэстываль праводзіцца ў праваслаўны вялікдзень 6-8 красавіка».

Пасьля забароны ўсе заплянаваныя мерапрыемствы перанесьлі ў закрыты фармат і ўвялі папярэднюю рэгістрацыю.

У межах фэстывалю заплянаваныя канфэрэнцыя «Квір-гісторыя ў СССР і на постсавецкай прасторы», публічныя лекцыі, воркшоп, прэзэнтацыя часопісу і канцэрт.

Квір — тэрмін, які выкарыстоўваецца каб пазначыць любую ідэнтычнасьць, адрозную ад традыцыйнай.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG