Лінкі ўнівэрсальнага доступу

Падзеі 6 красавіка ў беларускай і сусьветнай гісторыі.​

Дата дня

6 красавіка 1910 году нарадзіўся навуковец Барыс Кіт, адзін з распрацоўнікаў ракетнага паліва для амэрыканскай касьмічнай праграмы. Пасьля заканчэньня Віленскага ўнівэрсытэту быў выкладчыкам і дырэктарам Віленскай і Наваградзкай беларускіх гімназіяў. У часе Другой сусьветнай вайны цярпеў ад перасьледу савецкіх і нацысцкіх уладаў. Эміграваў у ЗША, дзе рэалізаваў сябе ў праграме астранаўтыкі.

Барыс Кіт памёр 1 лютага ў Франкфурце-на-Майне на 108-м годзе жыцьця.

Барыс Кіт і Тамара Казевіч. Гісторыя каханьня

Таксама ў гэты дзень

1869 — Дзьмітры Мендзялееў публічна прадставіў сваю пэрыядычную табліцу элемэнтаў.

1896 — у Атэнах адкрыліся першыя сучасныя Алімпійскія гульні.

1990 — у Менску было ўтворана Згуртаваньне беларусаў сьвету «Бацькаўшчына», якое арганізацыйна аб’ядноўвае ўсе беларускія асяродкі ва ўсім сьвеце.

У гэты дзень нарадзіліся

1483 — Рафаэль Санці, італьянскі мастак і архітэктар.

1896 — Ізі Харык, беларускі габрэйскі паэт.

1905 — Мікола Хведаровіч, беларускі паэт.

1928 — Хведар Нюнька, беларускі грамадзка-культурны дзяяч у Літве.

У памяці

1656 — памёр Шыман Старавольскі, гісторык і пісьменьнік, родам з Пружаншчыны.

1948 — памёр Мікалай Шыла, беларускі грамадзка-палітычны дзяяч, журналіст.

1999 — памёр Генадзь Карпенка, беларускі навуковец і палітык, дэпутат Вярхоўнага Савету 12 і 13 скліканьня. У 1996 годзе Карпенка, тагачасны намесьнік старшыні Вярхоўнага Савету, кіраваў працэсам імпічмэнту прэзыдэнта Лукашэнкі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG