Лінкі ўнівэрсальнага доступу

У Крамлі заявілі, што ў Расеі няма алігархаў


Дзьмітрый Пяскоў

«Фразу „расейскія алігархі“ лічым недарэчнай. Даўно прайшоў той час, калі ў Расеі былі алігархі, у Расіі няма алігархаў», — сказаў прэсавы сакратар расейскага прэзыдэнта Дзьмітрый Пяскоў.

Гэтак ён пракамэнтаваў інфармацыю пра допыт, на які ў ЗША запрасілі некалькіх алігархаў з Расеі.

Сьледчая група Робэрта Мюлера, якая расьсьледуе расейскае ўмяшаньне ў амэрыканскія прэзыдэнцкія выбары, правяла гутарку з двума расейскімі алігархамі, якія знаходзіліся з візытам у ЗША. Пра гэта 4 красавіка паведаміла тэлекампанія CNN.

Імёны гэтых людзей і час допытаў у паведамленьні не пазначаныя.

У расейцаў дапытваліся пра тое, ці вядома ім аб любых выпадках ахвяраваньняў з Раскі на выбарчую кампанію Дональда Трампа ці яго інаўгурацыйную цырымонію.

У аднаго з алігархаў, чый прыватны самалёт зрабіў пасадку на аэрадроме Нью-Ёрку, былі агледжаны пэрсанальныя электронныя прылады.

Амэрыканскія сьледчыя неафіцыйна зьвярнуліся да яшчэ аднаго расейскага алігарха, які не наведваў ЗША апошнім часам, з просьбай добраахвотна адказаць на пытаньні, якія цікавяць сьледчых.

Амэрыканскае заканадаўства забараняе іншаземцам фінансаваць перадвыбарчыя кампаніі кандыдатаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG