У працы мэсэнджэра Telegram адбыўся збой, празь які ён не працуе ў шматлікіх карыстальнікаў з эўрапейскай часткі Расеі, Украіны, Беларусі, а таксама зь Нідэрляндаў, Італіі і Славаччыны. Такія дадзеныя апублікаваў сэрвіс Downdetector.
Распрацоўшчыкі мэсэнджэра пацьвердзілі, што ў шэрагу карыстальнікаў у Эўропе, на постсавецкіх краінах, а таксама на Блізкім Усходзе ўзьніклі праблемы з падлучэньнямі. У кампаніі працуюць над іх вырашэньнем, гаворыцца ў Твітэры сэрвісу.
Пазьней заснавальнік Telegram Павел Дураў заявіў, што праблемы былі выкліканыя перабоямі з энэргазабесьпячэньнем.
