Лінкі ўнівэрсальнага доступу

Трамп мае зрабіць «магутнае палітычнае пасланьне» на карысьць бясьпекі краін Балтыі


Прэзыдэнты краінаў Балтыі і лідэр ЗША Дональд Трамп прымуць у Вашынгтоне на наступным тыдні дэклярацыю ў падтрымку ўмацаваньня бясьпекі Латвіі, Літвы і Эстоніі. Пра гэта ў чацьвер паведаміў прэзыдэнт Латвіі Раймандс Вэёніс.

Раймандас Вэёніс
Раймандас Вэёніс

«Асноўнымі тэмамі, вядома, будуць умацаваньне нашага супрацоўніцтва ў пытаньнях бясьпекі, у пытаньнях эканамічнага супрацоўніцтва, энэргетыцы, адукацыі. Але лейтматывам, несумненна, стане бясьпека. Падчас саміту плянуецца прыняць дэклярацыю, у якой мы чакаем вельмі магутнае палітычнае пасланьне з боку ЗША падтрымліваць бясьпеку краінаў Балтыі і яшчэ раз выказаць падтрымку незалежнасьці гэтых краінаў», — сказаў прэзыдэнт рэспублікі ў эфіры латвійскага тэлебачаньня.

На наступным тыдні адбудзецца візыт прэзыдэнтаў краінаў Балтыі ў Вашынгтон, дзе іх павінен прыняць прэзыдэнт ЗША Дональд Трамп.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG