Лінкі ўнівэрсальнага доступу

«Гранд-дызайнэркай» году ў Чэхіі стала беларуска Настасься Алейнікава 


Акуляры ў фантане, ілюстрацыйнае фота

Ураджэнка Магілёву Настасься Алейнікава, якая больш за 10 гадоў жыве і працуе ў Празе, атрымала перамогу ў прэстыжным нацыянальным конкурсе Czech Grand Design і ўганараваная тытулам гранд-дызайнэркі году.

Як пішуць чэскія мэдыя, у 12-м па ліку конкурсе дамінаваньне ювэлірнай дызайнэркі Настасьсі Алейнікавай было бясспрэчным. Калекцыю акуляраў у яе выкананьні журы прызнала «творам мастацтва».

Настасься скончыла Вышэйшую мастацкую школу ў Празе, працуе зь ювэлірнымі вырабамі, асобнае захапленьне — аправы VIP-акуляраў.

Дагэтуль беларуска неаднаразова намінавалася на найвышэйшую дызайнэрскую ўзнагароду Чэхіі, аднак, нягледзячы на стабільна высокі ўзровень яе калекцый, перамога прыйшла толькі сёлета.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG