Лінкі ўнівэрсальнага доступу

Сьпікер Кангрэсу ЗША падтрымаў узмацненьне санкцый супраць Расеі


Пол Раян

Сьпікер Палаты прадстаўнікоў Кангрэсу ЗША Пол Раян падтрымлівае рашэньне адміністрацыі Дональда Трампа выслаць 60 расейскіх дыпляматаў і закрыць консульства Расеі ў Сіэтле. Ён лічыць гэта «адэкватным» адказам на дзеяньні Расеі і праявай салідарнасьці з Вялікабрытаніяй, якая абвінаваціла Крэмль у датычнасьці да атручваньня ў Солсбэры былога агента ГРУ Сяргея Скрыпаля і яго дачкі.

Пол Раян ў панядзелак наведаў рэдакцыю Радыё Свабода / Радыё Свабодная Эўропа ў Празе. У інтэрвію нашаму карэспандэнту Карлу Шрэку ён сказаў, што падтрымлівае ўзмацненьне санкцый у дачыненьні да Расеі, у прыватнасьці фінансавых санкцый у адносінах да «алігархаў» з атачэньня Ўладзіміра Пуціна. Пры гэтым ён назваў «слушным» меркаваньне, што санкцыі павінны быць накіраваны менавіта на атачэньне Пуціна, а не на насельніцтва Расеі агулам.

Пол Раян таксама заявіў, што падчас свайго візыту ў Чэхію абмеркаваў з прадстаўнікамі чэскіх уладаў магчымую экстрадыцыю расейскага хакера Яўгенія Нікуліна з Прагі ў ЗША. Масква дамагаецца яго экстрадыцыі ў Расею.

Рэспубліканец Пол Раян лічыць палітыку цяперашняй рэспубліканскай адміністрацыі Дональда Трампа больш жорсткай і, як ён выказаўся, «менш наіўнай» ў адносінах да Расеі, чым палітыка Барака Абамы. У якасьці прыкладу ён прывёў узмацненьне жорсткасьці санкцый. Паводле Раяна, Расеі неабходна даць зразумець, што яна не павінна ўмешвацца ў дэмакратычны працэс у ЗША і іншых краінах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG