Папа Рымскі Францішак адзначыў Пальмавую нядзелю на плошчы Сьвятога Пятра, заклікаўшы маладых людзей не паддавацца маніпуляцыям.
«Ёсьць мноства спосабаў прымусіць моладзь замаўчаць і зрабіць іх нябачнымі, - сказаў пантыфік. - Мноства спосабаў заглушыць іх, зрабіць так, каб яны не шумелі, ні пра што не прасілі, ні пра што не пыталіся. Мноства магчымасьцяў усыпіць іх, не дапускаць да актыўнай дзейнасьці, зрабіць так, каб іх мары былі аднастайныя і панылыя, дробныя і жальлівыя».
У нядзелю мноства людзей сабралася ў Ватыкане, каб пачуць словы папы і атрымаць яго дабраславеньне ў першым набажэнстве апошняга тыдня перад Вялікаднем.
