Лінкі ўнівэрсальнага доступу

Затрымалі і выпусьцілі кіраўніка Вялейскай раённай арганізацыі партыі БНФ


Міліцыянт ідзе затрымліваць Аляксея Сюдака

Каля будынка Вялейскага раённага Дома культуры быў затрыманы Аляксей Сюдак, кіраўнік Вялейскай раённай арганізацыі партыі БНФ.

Аляксей Сюдак пасьпеў запусьціць жывую трансьляцыю затрыманьня на Фэйсбуку. Аднак трансьляцыя перарвалася ў РАУСе Вялейскага раёну. Міліцыя патлумачыла, што падазрае яго ў тым што «ён прыставаў да кампаніі, трэба разьбірацца».

А 18-й гадзіне ў Вялейцы сьвяткавалі 100-годзьдзе незалежнасьці Беларускай Народнай Рэспублікі. Каля 20 чалавек прыйшло на кінапрагляд і сьвяточны канцэрт.

«За намі назірала міліцыя, у Вялейку прыехаў аўтазак, але затрымалі толькі Аляксея», — сказаў сьведка затрыманьня Павал Хаванскі. Па тэлефоне Аляксей Сюдак сказаў, што правяраюць дакумэнты і абяцаюць праз гадзіну адпусьціць.

Пасьля таго, як яго выпусьцілі з пастарунку, Аляксей Сюдак расказаў Радыё Свабода:

«У нас на офісе было мерапрыемства, сьвяткавалі Дзень Волі. Пайшлі з сябрам ў краму, выходзім — дзьве машыны міліцыі. Нібыта нейкі барадаты мужык, нібыта прыставаў да дзяўчатаў. У РАУСе апыталі, я расказаў, дзе я быў, па якім адрасе, хто сьведкі і пакуль адпусьцілі. Нічога не зразумела, але я на волі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG