Шэсьць чалавек загінулі ў выніку выбуху фабрыкі ў Кралупах над Влтавай, пад Прагай, паведамляюць чэскія пажарнікі. Ёсьць таксама цяжка параненыя.
— Выяўлена шэсьць мёртвых целаў і цяжка параненыя, — распавяла прэс-скратар пажарнай службы цэнтральнай Чэхіі Ўладзіміра Кэрэкава.
На хімічным заводзе, дзе адбыўся выбух, вырабляецца сынтэтычны каўчук і полістырол для ўсьпеньваньня.
Фабрыка належыць польскай кампаніі Synthos SA.