Лінкі ўнівэрсальнага доступу

Пасля «справы Скрыпаля» нямецкая выведка стварае «антышпіёнскую» структуру


Упершыню ад часоў «Халоднай вайны» Фэдэральная выведная служба Нямеччыны створыць уласную структуру па супрацьдзеяньні замежным шпіёнам. Пра гэта паведамляе нямецкае выданьне Der Spiegel.

Плянуецца, што на першым этапе ў структуры будуць працаваць 50 кваліфікаваных супрацоўнікаў. Паводле дадзеных Der Spiegel, новая структура спатрэбілася таму, што вельмі актывізаваліся замежныя выведнікі, асабліва расейскія. Згадваецца таксам замах на забойства экс-афіцэра ГРУ Сяргея Скрыпаля ў ангельскім Солсбэры з выкарыстаньнем хімічнай зброі.

Мяркуецца, што новы падрозьдзел будзе займацца супрацьстаяньнем ня толькі выведнікам з Расеі, але таксама з Ірану, Кітаю і Паўночнай Карэі. Апрача гэтага, новая нямецкая контрвыведка будзе дапамагаць сваім замежным калегам, каб пасьпяхова супрацьстаяць сучасным пагрозам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG