Падзеі 13 сакавіка ў беларускай і сусьветнай гісторыі.
Дата дня
13 сакавіка 1989 году было вынайдзена сусьветнае павуціньне (World Wide Web, WWW). Вынаходнікам «сеткі» лічыцца ангельскі навуковец Цім Бернерс-Лі і яго калегі, якія працавалі ў Эўрапейскай радзе па ядзерных дасьледаваньнях. Яны перадалі кіраўніцтву Рады працу «Інфармацыйны мэнэджмэнт: некаторыя прапановы», у якім былі закладзеныя асноўныя прынцыпы прасторы WWW.
Таксама ў гэты дзень
1881 — расейскі імпэратар Аляксандр II быў сьмяротна паранены ў Пецярбургу бомбай, кінутай нарадавольцам, ураджэнцам Беларусі Ігнатам Грынявіцкім.
1938 — расейская мова ўведзеная як абавязковы прадмет для вывучэньня ва ўсіх школах СССР.
У гэты дзень нарадзіліся
1954 — Сяргей Сідорскі, прэм’ер-міністар Беларусі ў 2003-2010 гадах.
1965 — Юрась Пацюпа, беларускі мовазнаўца, паэт, празаік, крытык.
