Офіс Магерыні паведаміў, што паездка адбываецца «у важны момант для ажыцьцяўленьня рэформаў» і зьвязана з Пагадненьнем аб асацыяцыі, якое ўмацоўвае сувязі паміж Украінай і Эўрапейскім Зьвязам. Візыт «стане магчымасьцю аднавіць даўнюю прыхільнасьць Эўразьвязу ўкраінскага народу і яго імкненьня пабудаваць больш моцную Ўкраіну», — гаворыцца ў заяве.
Пасьля зьвяржэньня прэзыдэнта Ўкраіны Віктара Януковіча і масавых пратэстаў у лютым 2014 года ў Кіеве тысячы расейскіх салдат без апазнавальных знакаў узялі пад свой кантроль Крым. Масква афіцыйна анэксавала Крым 18 сакавіка 2014 года. Ва Ўкраіне Магерыні мае намер разгледзець сытуацыю на месцах і выкананьне Менскіх пагадненьняў.
