Лінкі ўнівэрсальнага доступу

Дональд Трамп: Паўночная Карэя гатова спыніць ядзерныя выпрабаваньні


Прэзыдэнт ЗША Дональд Трамп заявіў у суботу, што Паўночная Карэя гатова адмовіцца ад выпрабаваньняў зброі масавага паражэньня. Гэта паведамленьне зьявілася неўзабаве пасьля нечаканай навіны пра гатоўнасьць лідэра ЗША сустрэцца з кіраўніком КНДР для перамоваў пра лёс ядзернай праграмы Пхеньяна.

«Паўночная Карэя не праводзіла выпрабаваньні ракетнай зброі з 28 лістапада 2017 года і паабяцала не рабіць гэтага да нашай сустрэчы. Я веру, што яна стрымае свае абяцаньні», — напісаў Дональд Трамп у сваім «Твітэры».

Раней у суботу Трамп заявіў, што ён правёў перамовы зь лідэрамі Кітая і Японіі аб маючых адбыцца перамовах, і паведаміў, што атрымаў падтрымку кіраўнікоў гэтых краін. «Старшыня Кітая Сі Цзіньпін і я доўга размаўлялі пра сустрэчу зь лідэрам Паўночнай Карэі Кім Чэн Ынам, Старшыня Сі сказаў мне, што падтрымлівае ініцыятыву ЗША вырашыць праблему дыпляматычным шляхам, не выкарыстоўваючы іншыя сродкі», — напісаў Дональд Трамп.

На гэтым тыдні паўночнакарэйскі лідэр Кім Чэн Ын прапанаваў прэзыдэнту ЗША правесьці сумесную сустрэчу, Дональд Трамп адказаў, што прымае гэтую прапанову, паведамляе «Голас Амэрыкі».

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG