Лінкі ўнівэрсальнага доступу

Абвалілася шахта «Беларуськалію». Пад заваламі людзі


«Беларуськалiй» у Салігорску, 10 сакавіка

9 сакавіка ў рудніку трэцяга рудаўпраўленьня «Беларуськалію» адбылося надзвычайнае здарэньне.

«Беларуськалій» назваў імёны заваленых у шахце рабочых

Абноўлена: Карэспандэнты Свабоды 10 сакавіка былі на прахадной трэцяга рудаўпраўленьня і ў офісе «Беларуськалію». Далей за ахоўніка журналістаў не пускаюць. Ахова па распараджэньні кіраўніцтва кажа, каб журналісты зьвярталіся па інфармацыю на сайт МНС. Паводле нашай інфармацыі, усё кіраўніцтва кампаніі разам з генэральным дырэктарам увесь гэты час знаходзіцца на тэрыторыі трэцяга рудаўпраўленьня.

Міністэрства надзвычайных сытуацыяў паведаміла, што адбыўся выкід газу мэтану і абвал пароды. Пад заваламі ў шахце апынуліся два работнікі.

У паведамленьні МНС гаворыцца: «Паводле папярэдняй інфармацыі пры праходцы горнай выпрацоўкі на 22б заходняй панэлі гарызонту -620 мэтраў адбыўся абвал пародаў даху з выкідам газу (мэтан) і солі з масіву.

На гэтым участку знаходзіліся двое рабочых. Работнікамі ваенізаванай горнавыратавальнай часткі прадпрыемства праведзеныя работы для разгазаваньня гэтага ўчастку для зьніжэньня канцэнтрацыі пары мэтану ў паветры і пачатыя работы для разбору завалу. Прычына таго, што адбылося, высьвятляецца».

Дзяжурны Міністэрства надзвычайных сытуацыяў сказаў Радыё Свабода, што не ўпаўнаважаны даваць дадатковую інфармацыю пра здарэньне.

Error rendering VK.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG