Лінкі ўнівэрсальнага доступу

У Эўропе на 6 хвілін сталі адставаць электронныя гадзіньнікі. Праз спрэчку Сэрбіі і Косава


Спрэчка Сэрбіі і Косава з прычыны энэргасыстэмы стаў прычынай замаруджваньня на 6 хвілін лічбавых гадзіньнікаў у 25 краінах Эўропы.

Эўрапейская сетка сыстэмных апэратараў перадачы электраэнергіі ENTSO-E паведаміла, што з сярэдзіны зімы ў электрасеткі назіраліся адхіленьні, яе частата пачала падаць.

Гэта і прывяло да адставаньня лічбавых гадзіньнікаў, паколькі іх час вылічваецца з дапамогай частаты току, а не кварцавага генэратара.

Як выявілася, на тэрыторыі Косава было выкарыстана больш энэргіі, чым вырабляецца, а Бялград, які адказвае за падтрыманьне балянсу косаўскай сеткі, ня справіўся з абавязкамі.

ENTSO-E заклікала эўрапейскія ўрады прыняць хуткія меры для вырашэньня праблемы.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG