Яе ляўрэатамі становяцца беларусы, якія робяць унёсак у развіцьцё грамадзянскай супольнасьці і будаўніцтва незалежнай Беларусі.
Інфармацыю пра сёлетнюю ўзнагароду паведамляе агенцтва БЕЛАПАН.
Аляксандр Фядута ў 1997 годзе абараніў у Расеі кандыдацкую дысэртацыю, дасьледуючы праблему чытача ў творчай сьвядомасьці Аляксандра Пушкіна. У 2017 годзе Ягелонскі ўнівэрсытэт надаў навукоўцу званьне габілітаванага доктара гуманітарных навук.
Цырымонія ўзнагароджаньня адбудзецца ў залі сэнату Варшаўскага ўнівэрсытэту 4 красавіка, у дзень нараджэньня Льва Сапегі, дзяржаўнага і ваеннага дзеяча Вялікага Княства Літоўскага.
Раней ляўрэатамі прэміі былі гісторык і палітык Валянцін Голубеў, гісторыкі Іна Соркіна, Аляксандр Смалянчук, Уладзімер Ляхоўскі, праваабаронца Алесь Бяляцкі, мастак і пісьменьнік Артур Клінаў і іншыя.
Ляўрэат прэміі на працягу акадэмічнага года мае магчымасьць выкладаць у вядучых польскіх універсытэтах.