Лінкі ўнівэрсальнага доступу

Ужо сёньня: дзень народзінаў Рыгора Барадуліна


Рыгор Барадулін

Падзеі 24 лютага ў беларускай і сусьветнай гісторыі.

Дата дня

24 лютага 1935 году на Вушаччыне нарадзіўся Рыгор Барадулін. Барадулін — апошні літаратар, якому надалі званьне Народнага паэта Беларусі (у 1992 годзе). У 2006 годзе Рыгор Барадулін быў намінаваны на Нобэлеўскую прэмію па літаратуры за зборнік вершаў «Ксты».

Таксама ў гэты дзень

1582 — папа Рыгор ХІІІ выдаў булу аб пераходзе зь юліянскага календара на новы, які пасьля атрымаў назву грыгарыянскага. Паводле булы новы каляндар уступіў у дзеяньне 4 кастрычніка 1582 году, пасьля чаго наступіла адразу 15 кастрычніка.

1918 — Эстонія абвясьціла сваю незалежнасьць.

1942 — Пачалося вяшчаньне радыёстанцыі «Голас Амэрыкі»

У гэты дзень нарадзіліся

1786 — Вільгельм Грым, нямецкі казачнік, малодшы брат Якаба Грыма.

1955 — Стыў Джобс, заснавальнік кампаніі «Apple».

Стыў Джобс
Стыў Джобс

У памяці

1922 — у Вільні памёр Ядвігін Ш., беларускі празаік, драматург і публіцыст. Ядвігін Ш. лічыцца адным з пачынальнікаў беларускай мастацкай прозы.

Ядвігін Ш. (Антон Лявіцкі)
Ядвігін Ш. (Антон Лявіцкі)

1925 — памёр Карл Яльмар Брантынг, першы прэмʼер-міністар Швэцыі.

2001 — памёр Клод Шэнан, амэрыканскі матэматык і інжынэр.

XS
SM
MD
LG