Лінкі ўнівэрсальнага доступу

Прэм'ер Вугоршчыны выступіў супраць міграцыі


Віктар Орбан

Вугорскі лідэр назваў хрысьціянства «апошняй надзеяй Эўропы». Віктар Орбан лічыць, што палітыкі ў Брусэлі, Бэрліне і Парыжы, выяўляючы пазытыўнае стаўленьне да мігрантаў, адкрылі дарогу «да заняпаду хрысьціянскай культуры і наступу ісламу».

Віктар Орбан заявіў у нядзелю, 18 лютага, у чарговым звароце аб становішчы краіны, што ягоны ўрад будзе выступаць супраць імкненьня ААН і Эўрапейскага Зьвязу лічыць міграцыю прымальнай зьявай.

Орбан абмаляваў карціны Заходняй Эўропы, захопленай мусульманамі, у якой жыхары вымушаныя пакідаць вялікія гарады, паколькі мігранты перш за ўсё займаюць менавіта такія гарады.

Прэм’ер-міністар Вугоршчыны папярэдзіў, што іслам хутка «пастукаецца ў дзьверы Цэнтральнай Эўропы з заходняга напрамку, роўна як і з паўднёвага». Пра гэта паведаміла агенцтва Associated Press.

На выбарах у красавіку Віктар Орбан будзе разам з партыяй FIDESZ, якую ён узначальвае ( «Фідэс» — Вугорскі грамадзянскі саюз), прэтэндаваць на перамогу і свой трэці мандат кіраўніка ўраду.

XS
SM
MD
LG