У выніку страляніны каля штаб-кватэры Агенцтва нацыянальнай бясьпекі ЗША пацярпелі тры чалавекі. Паводле дадзеных агенцтва Reuters, затрыманы адзін падазраваны. Пра здарэньне ўжо далажылі прэзыдэнту Дональду Трампу.
Будынак Агенцтва нацыянальнай бясьпекі знаходзіцца ў штаце Мэрылэнд. Інцыдэнт адбыўся каля ўезду ў штаб-кватэру. СМІ паведамляюць, што каля брамы, дзе адбылася страляніна, у агароджу ўрэзаўся чорны пазадарожнік.