Лінкі ўнівэрсальнага доступу

Глюкоза сапраўды патрэбная мозгу — ці добрае гэта самаапраўданьне?


Сёньня гаворка пойдзе пра здароўе людзей і маладых, і сталага веку.

Маладыя людзі, асабліва дзяўчаты, нярэдка прымяняюць розныя дыеты, каб мець добрую фігуру, і пры гэтым рэзка абмяжоўваюць сябе ў карысных прадуктах, неабходных для нармальнай жыцьцядзейнасьці маладога арганізму.

Зь іншага боку, больш сталыя людзі часта пытаюцца, ці можна харчавацца салодкімі прадуктамі, ці не зьяўляюцца яны небясьпечнымі ў сэнсе разьвіцьця атэрасклерозу і зьвязанымі зь ім хваробамі сэрца і судзінаў.

Як часта бывае, ісьціна знаходзіцца пасярэдзіне.

Мозг інтэнсіўна працуе і ўначы

Адзін з галоўных органаў чалавека, які рэгулюе дзейнасьць арганізму, — галаўны мозг. Днём ён патрэбен нам каб правільна прымаць рашэньні, аналізаваць шматлікую інфармацыю і запамінаць патрэбныя для жыцьця рэчы.

у начны час галаўны мозг скануе інфармацыю пра стан арганізму і выпраўляе памылкі, якія нарабілі ўнутраныя органы за дзень

Але і ўначы мозг інтэнсіўна працуе — гэта толькі недасьведчанаму чалавеку здаецца, што ён сьпіць. Насамрэч у начны час галаўны мозг як бы скануе інфармацыю пра ўнутраны стан арганізму і выпраўляе памылкі, якія нарабілі ўнутраныя органы за дзень.

Сапраўды, мы ж не задумваемся, напрыклад, як працуе наш страўнік падчас вячэры. А якраз падчас страваваньня ежы ў ім рэгіструецца шмат памылак, якія ўначы праз нэрвовыя валокны выпраўляе галаўны мозг. І гэта тычыцца літаральна ўсіх унутраных органаў.

Адкуль мозг бярэ энэргію

І для навучаньня, і для запамінаньня, і для добрай памяці, і для выпраўленьня памылак арганізму мозгу патрэбная энэргія ад паліва, якое называецца глюкозай.

Глюкоза паступае ў наш арганізм з такімі прадуктамі, як хлеб, рыс і іншыя крупы, бульба, макароны, а таксама гародніна, сокі, мёд, варэньне. Глюкоза ці цукар у гэтых прадуктах знаходзяцца ў выглядзе карбагідратаў, зь якіх у арганізьме і вытвараецца паліва для мозгу.

Глюкоза паступае ў наш арганізм з такімі прадуктамі, як хлеб, рыс і іншыя крупы, бульба, макароны, а таксама гародніна, сокі, мёд, варэньне

Глюкоза настолькі неабходная мозгу, што прырода стварыла магчымасьці для яе назапашваньня празь біяхімічны працэс, які носіць назву глюканэагенэз. Гэта калі пры недахопе паступленьня з прадуктамі харчаваньня глюкоза ўтвараецца арганізмам зь бялкоў і тлушчаў і назапашваецца ў выглядзе асаблівага рэчыва — глікагену — у пячонцы і ў невялікай колькасьці — у мышцах.

Глікаген мае здольнасьць хутка пераўтварацца ў глюкозу пры павышанай патрэбе, напрыклад, пры вялікіх фізычных нагрузках ці калі зь ежай паступае мала глюкозы.

Колькі нам трэба глюкозы

У здаровай дыеце павінна быць 200 грамаў глюкозы штодзённа, з чаго дзьве траціны ці каля 130 грамаў павінна ўжывацца галаўным мозгам для забясьпячэньня яго нармальнай дзейнасьці.

У сэнсе забесьпячэньня глюкозай галаўны мозг зьяўляецца вельмі залежным органам, бо ён можа карыстацца глюкозай толькі з крыві. Гэта адрозьнівае яго ад мышц, уключаючы сардэчную мышцу, а таксама ад пячонкі, якія, пры патрэбе, могуць забясьпечваць сваю дзейнасьць тлустымі кіслотамі.

Да чаго мы ўсё гэта пішам? На сёньняшні дзень навукоўцам вядома, што як толькі ў арганізм паступае недастатковая колькасьць карбагідратаў, галаўны мозг пачынае пакутаваць ад недахопу паліва. Гэта ўмомант адбіваецца на стане памяці, хутка зьяўляецца недахоп увагі, забыўчывасьць, няўважлівасьць.

Цукерка ці пірожнае зрэдку — карысная рэч

А ў начны час (асабліва калі чалавек недаядае ўвечары) зьніжаецца здольнасьць мозгу да выяўленьня памылак у арганізьме, якія назапашваюцца ў дзённы час. Гэта можа прыводзіць да сур’ёзных хвароб.

для падтрымкі нармальнай дзейнасьці галаўнога мозгу пажадана есьці праз кожныя 4-5 гадзін невялікімі порцыямі

Таму на сёньняшні дзень можна сьцьвярджаць, што для падтрымкі нармальнай дзейнасьці галаўнога мозгу — а значыць памяці, увагі і агульнага здароўя — пажадана есьці праз кожныя 4-5 гадзін невялікімі порцыямі. У склад рацыёну павінны абавязкова ўваходзіць карбагідраты, зь якіх арганізм утворыць глюкозу.

Яшчэ раз нагадваем, што да такіх прадуктаў адносяцца хлеб, крупы, бульба, макароны, а таксама гародніна, сокі, мёд і варэньне. Мы не заклікаем ужываць усё вышэйпералічанае ў завялікіх порцыях, але час ад часу зьедзеная цукерка, насамрэч, дапаможа галаўному мозгу працаваць больш эфэктыўна!

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG