Акцыі пратэсту ў падтрымку «страйку выбарнікаў» 28 студзеня праходзяць у шэрагу гарадоў Расеі. «Страйк» ініцыяваў апазыцыянэр Аляксей Навальны як адказ на адмову рэгістраваць яго кандыдатам у прэзыдэнты праз судзімасьць, якую ён лічыць палітычна матываванай. Сам Навальны паведаміў пра сваё затрыманьне. Паводле інфармацыі «ОВД-Инфо», агулам на акцыях затрыманыя каля 200 чалавек.