Лінкі ўнівэрсальнага доступу

Ужо сёньня: 15 год з дня сьмерці Ўладзімера Мулявіна


Магіла Ўладзімера Мулявіна ў Менску

Падзеі 26 студзеня ў беларускай і сусьветнай гісторыі.

Дата дня

26 студзеня 2003 году пасьля аўтакатастрофы памёр Уладзімер Мулявін, народны артыст Беларусі і СССР. У 1968 годзе Мулявін заснаваў пры Белдзяржфілярмоніі вакальна-інструмэнтальны ансамбль «Лявоны», які праз 2 гады быў перайменаваны ў «Песьняры».

Уладзімер Мулявін
Уладзімер Мулявін

Таксама ў гэты дзень

1586 — Нясьвіж атрымаў магдэбурскае права.

1990 — Вярхоўны Савет БССР прыняў закон аб мовах, абвясьціўшы беларускую мову адзінай дзяржаўнай у Беларусі.

1994 — Станіслава Шушкевіча адклікалі з пасады старшыні Вярхоўнага Савету.

У гэты дзень нарадзіліся

1908 — Барыс Малкін, беларускі графік і тэатральны мастак. Афармляў спэктаклі ў тэатрах імя Янкі Купалы і Якуба Коласа, рабіў ілюстрацыі да твораў Купалы і Цёткі.

1947 — Сьвятлана Акружная, народная артыстка Беларусі, з 1969-га акторка Нацыянальнага акадэмічнага драматычнага тэатру імя Якуба Коласа.

1961 — Уэйн Грэцкі, канадзкі хакеіст беларускага паходжаньня.

У памяці

1994 — памёр ад інфаркту Алесь Адамовіч, беларускі літаратар і грамадзкі дзяяч. Адамовіч адным зь першых падняў тэму Чарнобыльскай катастрофы і яе сапраўдных маштабаў. Суаўтар кнігі «Я з вогненнай вёскі», аўтар «Хатынскай аповесьці» і сцэнарыст фільмаў «Вайна пад дахамі», «Сыны ідуць у бой» і «Ідзі і глядзі».

Партрэт Алеся Адамовіча
Партрэт Алеся Адамовіча

XS
SM
MD
LG