Лінкі ўнівэрсальнага доступу

Да Дня саборнасьці ў Кіеве разгарнулі кілямэтровы сьцяг з Крымам і Данбасам. ФОТА


22 студзеня Украіна адзначае Дзень саборнасьці. У гонар сьвята ад Эўрапейскай плошчы да канца вуліцы Крэшчацік ў Кіеве людзі расьцягнулі сьцяг даўжынёй 1 км 69 м 95 см.

Трымалі сьцяг больш за 700 чалавек, на ім былі прадстаўлены ўсе гарады і раёны Украіны, у тым ліку Крым, Данецкая і Луганская вобласьці.

Таксама актывісты ў Кіеве ўтварылі «жывы ланцуг» саборнасьці.

Гэтая акцыя павінна была нагадаць пра іншы «жывы ланцуг» 21 студзеня 1990 году даўжынёй больш за 600 кілямэтраў — ад Кіева да Львова.

"Жывы ланцуг" 1990 году.
"Жывы ланцуг" 1990 году.

Акцыя 1990 году была самай масавай акцыяй прыхільнікаў незалежнасці тады яшчэ савецкай Украіны. Яна была праведзена пасьля таго, як аналягічныя акцыі за выхад са складу СССР прайшлі ў рэспубліках Балтыі: Літве, Латвіі і Эстоніі.

Ваша меркаваньне

Паказаць камэнтары

XS
SM
MD
LG