Паводле ўкраінскага камандаваньня, цывільны аўтобус трапіў пад абстрэл сэпаратыстаў. Украінскія вайскоўцы паведамілі, што інцыдэнт адбыўся каля пасёлку Аленаўка на непадкантрольнай Кіеву тэрыторыі.
Некаторыя расейскія СМІ паведамілі, што ў абстрэле вінаваты ўкраінскі бок.
Паводле папярэдніх дадзеных, адзін мясцовы жыхар загінуў, другі быў паранены.
У штабе антытэрарыстычнай апэрацыі заяўляюць, што інфармацыя, распаўсюджаная некаторымі прарасейскімі СМІ, аб тым, што ўкраінская армія нібыта абстраляла аўтобус у Аленаўцы, не адпавядае рэчаіснасьці.
Памочнік старшыні Дзяржаўнай памежнай службы Ўкраіны Алег Слабадзян у эфіры тэлеканалу «112 Украіна» заявіў, што наяўнай інфармацыі ад пасажыраў аўтобуса недастаткова, каб скласьці карціну таго, што адбылося.
