Прэм’ер-міністар Вялікай Брытаніі адхіліла прапанову эўрапейскіх палітыкаў адмовіцца ад выхаду з Эўрапейскага Зьвязу.
Другога рэфэрэндуму па «Брэксыце» ня будзе, заявіла Тэрэза Мэй у інтэрвію нямецкай газэце Bild, апублікаваным у суботу, 20 студзеня.
Тэрэза Мэй запэўніла, што Лёндан працягне супрацоўнічаць з эўрапейцамі ў пытаньнях абароны, бясьпекі і іншых галінах.
«Мы пакідаем Эўразьвяз, але не Эўропу», — сказала кіраўніца брытанскага ўраду.
Старшыня Эўрапейскай Рады Дональд Туск і старшыня Эўрапейскай Камісіі Жан-Клёд Юнкер раней прапанавалі Вялікай Брытаніі не выходзіць з Эўразьвязу.
Калі ўрад у Лёндане ня зьменіць сваю пазыцыю, то ў 2019 годзе «Брэксыт» уступіць у сілу, што прывядзе да «нэгатыўных наступстваў», заявіў Туск 16 студзеня.
