Усяго ў салёне на момант аварыі знаходзілася 57 чалавек, паведамляюць экстранныя службы Казахстану.
Паводле папярэдніх дадзеных, у салёне ехалі мігранты з Узбэкістану, аўтобус загарэўся падчас руху. Як паведамляе Дэпартамэнт па надзвычайных сытуацыях Акцюбінскай вобласьці, толькі пяць чалавек змаглі выбрацца з палаючага аўтобуса. Пацярпелых даставілі ў раённую бальніцу.
Пра ўладальнікаў аўтобуса маркі Ikarus пакуль нічога не вядома, афіцыйна толькі пацьверджана, што ў кабіне, акрамя пасажыраў, было двое кіроўцаў.
