Таксама паліцыя заяўляе пра аднаго пацярпелага міліцыянта.
«Каля 11:00 ля сьцен Вярхоўнай Рады Ўкраіны мітынгоўцы падпалілі прынесеныя імі пяць аўтамабільных шын. Паліцыя тлумачыла ўдзельнікам акцыі неправамернасьць іх паводзінаў у частцы падпалу шын, а работнікі Дзяржаўнай службы ў надзвычайных сытуацыях спрабавалі патушыць падпаленыя прадметы. У гэты час мітынгоўцы ўжылі сьлезацечны газ у бок праваахоўнікаў, пачалі кідаць брук, покрыўкі і іншыя староньнія прадметы», — паведамілі ў паліцыі.
Сёньня ўкраінскі парлямэнт разглядае ў другім чытаньні законапраект аб асаблівасьцях дзяржаўнай палітыкі па забесьпячэньні дзяржаўнага сувэрэнітэту Ўкраіны над часова акупаванымі тэрыторыямі ў Данецкай і Луганскай абласьцях. Удзельнікі мітынгу заклікалі як найхутчэй прыняць гэты закон, а таксама шэраг іншых законаў, у тым ліку пра антыкарупцыйны суд.