Найважнейшымі мэтавымі паказьнікамі дзяржаўнай праграмы «Будаўніцтва жыльля» на 2016-2020 гады, апублікаванай на Нацыянальным прававым інтэрнэт-партале, вызначаны наступны сярэдні кошт 1 квадратнага мэтра агульнай плошчы жыльля, якое будуецца з дзяржпадтрымкай: 863 рублі (за студзень-сакавік), 901 рубель (за студзень-чэрвень), 910 рублёў (за студзень-верасень), 923 рублі (за студзень-сьнежань).
Доля агульнай плошчы шматкватэрных жылых дамоў у агульным аб’ёме ўведзенага ў эксплюатацыю жыльля (без уліку індывідуальных жылых дамоў) павінна скласьці 80%.
Таксама прадугледжана зьніжэньне выдаткаў на жыльлёва-камунальныя паслугі насельніцтву ў супастаўных умовах на 5%. Гэта вынікае зь дзяржаўнай праграмы «Камфортнае жыльлё і спрыяльнае асяродзьдзе» да 2020 году.
