43-гадовую жыхарку Маладэчна Валянціну Калюту міліцыя адшукала ў расейскім манастыры ва Ўладзімірскай вобласьці. Пра гэта паведамляецца на сайце УУС Менаблвыканкаму.
У 2003 годзе дзяўчына зьехала ў Расею і зьнікла. Яе шукалі 15 гадоў.
З просьбай знайсьці Валянціну ў міліцыю зьвярнулася яе стрыечная сястра.
«Крымінальных абставін, зьвязаных са зьнікненьнем дзяўчыны, не ўстаноўлена, яе жыцьцю і здароўю нічога не пагражае», — гаворыцца ў паведамленьні.
