Лінкі ўнівэрсальнага доступу

Хлопчык, якога шукалі суткі, знайшоўся ў Чыжоўцы каля аптэкі


З хлопчыкам Данікам Сакалоўскім, які зьнік 10 студзеня ў Лошыцы, усё ў парадку, ён жывы-здаровы, не абмарозіўся і нават не замерз. Крыху напалоханы і пакуль, як выказаўся каардынатар пошукава-выратавальнага атраду «Анёл» Дзьмітры, «прыдумляе казкі, дзе ён быў, кажа, што начаваў недзе на Ангарскай».

У Менску роўна суткі шукалі 10-гадовага Данііла Сакалоўскага, які зьнік 10 студзеня ў сталічным мікрараёне Лошыца. Да пошукаў далучыліся міліцыя, настаўнікі, валянтэры.

Учора прыкладна а 15 гадзіне Данік Сакалоўскі выйшаў разам з аднаклясьнікамі са школы № 24, што на вуліцы Прушынскіх у сталічным мікрараёне Лошыца. Гэта зафіксавалі камэры відэаназіраньня. Дадому хлопчык не прыйшоў.

Каардынатар «Анёла» Дзьмітры сказаў Свабодзе, што валянтэры прачасалі мікрараён Лошыца. Спраўджвалі сыгналы, якія паступалі ад неабыякавых грамадзян.

Error rendering VK.

У суполцы «Анёла» «Ўкантакце» мужчына напісаў, што ягоны сын бачыў падобнага хлопчыка каля гімназіі, у яго была брудная куртка. Іншая дзяўчына пісала, што бачыла хлопчыка ў раёне вакзалу, размаўляла зь ім. Яна таксама пацьвердзіла, што куртка была ў пабелцы. Запыталася, чаму дзіця ня ў школе, хлопчык адказаў, што вакацыі працягнулі. Назваўся Максімам. Калі жанчына палезла па тэлефон, хлопец зьнік.

Асабліва пільна правяралі буйныя гандлёвыя цэнтры і вялікія крамы, дзе звычайна любяць бавіць час і «тусавацца» дзеці і падлеткі пасьля школы — «Галілеа», «Галерэю», «Е-Сіці», «Гіпа», а таксама «Макдональдсы» і «Бургэр Кінгі».

Некаторыя СМІ пісалі, што хлопчык адзін раз ужо сыходзіў з дому, калі атрымаў двойку, але яго хутка знайшлі ў гандлёвым цэнтры. Гэтым разам мог здарыцца канфлікт зь дзецьмі з прычыны бонсьцікаў — маўляў, сябры абвінавацілі хлопца, што той узяў чужыя цацкі.

Дырэктар школы № 24, дзе вучыцца Данік, Сьвятлана Міхайлаўна Грыцюта кажа, што Данііл звычайнае дзіцё, надзвычай жыцьцярадасны хлопчыка, ніякіх асаблівасьцяў у паводзінах яна ў яго не назірала.

Праз суткі пошукаў, 11 студзеня, хлопчыка знайшлі каля аптэкі ў сталічным мікрараёне Чыжоўка. Зь ім усё ў парадку, жывы-здаровы.

Ваша меркаваньне

Паказаць камэнтары

XS
SM
MD
LG