Адпаведная інфармацыя апублікаваная на сайце Міністэрства ўнутраных спраў.
Дэпартамэнт грамадзянства і міграцыі МУС зьвяртае ўвагу, што падпунктам 5.7 пункту 5 прэзыдэнцкага дэкрэту № 7 «Аб разьвіцьці прадпрымальніцтва» вызначана новая катэгорыя іншаземцаў, на якіх не распаўсюджваецца дзеяньне закону «Аб замежнай працоўнай міграцыі».
Такім чынам, калі дэкрэт уступіць у сілу (г. зн. ад 23 лютага), прымаючы на працу асобаў, якія маюць званьні пераможцаў або ляўрэатаў нацыянальных і міжнародных конкурсаў, або адзначаныя ўзнагародамі ў сфэры сваёй прафэсійнай дзейнасьці, наймальнік ня мусіць атрымліваць дазвол на прыцягненьне замежнай працоўнай сілы, а таксама спэцыяльны дазвол на права займацца працоўнай дзейнасьцю ў Беларусі для кожнага прэтэндэнта.
