У Адэсе закрыюць генэральнае консульства Беларусі. Пра гэта паведамляе агенцтва БелТА са спасылкай на прэс-службу беларускага ўраду.
Паведамляецца, што консульства мае спыніць працу да 23 лютага 2018 году. Гэтае рашэньне зьмяшчаецца ў пастанове ўраду Беларусі ад 4 студзеня 2018 году № 1. Міністэрству замежных спраў даручана прыняць неабходныя меры, каб закрыць гэтае консульства. Пра прычыны рашэньня не паведамляецца.