Лінкі ўнівэрсальнага доступу

Ужо сёньня: Дзень народзінаў Эўфрасіньні Полацкай


Эўфрасіньня Полацкая. Славутыя асобы Беларусі Ляілея і Валянцін Варэцы

Падзеі 5 студзеня ў беларускай і сусьветнай гісторыі.

Дата дня

5 студзеня 1104 году, згодна з высновамі дасьледчыка Аляксея Мельнікава, нарадзілася княжна і асьветніца Эўфрасіньня Полацкая. Спрыяла ўзьвядзеньню храмаў. Замовіла дойліду Яну збудаваць царкву Сьвятога Спаса, а Лазару Богшу — шасьціканцовы крыж.

Таксама ў гэты дзень

1919 — Менск абвясьцілі сталіцай БССР.

1919 — у Мюнхэне заснавалі Нацыянал-сацыялістычную нямецкую рабочую партыю (НСДАП).

1938 — Максіма Гарэцкага прысудзілі да расстрэлу.

1948 — студыя Warner Brothers паказала першы каляровы дакумэнтальны фільм.

1957 — была абвешчана дактрына Эйзэнгаўэра, якая легла ў аснову зьнешняй палітыкі ЗША на Блізкім Усходзе.

1984 — у Менску заснаваны музэй «Дом Ваньковічаў».

У гэты дзень нарадзіліся

1932 — Умбэрта Эка, італьянскі пісьменьнік, аўтар раманаў «Імя ружы», «Ківач Фуко», «Востраў напярэдадні», «Баўдаліна».

1860 — Павал Курлоў, расейскі дзяржаўны дзеяч, менскі губэрнатар у 1905–1906 гг.

1876 — Конрад Адэнаўэр, першы канцлер пасьляваеннай Нямеччыны.

1905 — Уладзімер Стральцоў, беларускі й расейскі кінарэжысэр-дакумэнталіст.

1932 — Тадзіяна Кляшторная, беларуская дзіцячая пісьменьніца.

1961 — Тадэвуш Кручкоўскі, польскі гісторык і грамадзкі дзеяч, старшыня Саюзу палякаў на Беларусі ў 2000–2005.

У памяці

1589 — памерла Кацярына Мэдычы, каралева Францыі.

1938 — расстраляны НКВД Міхась Адзярыха, краязнавец, пэдагог і палітычны дзеяч.

1996 — памёр Іван Чыгрынаў, народны пісьменьнік Беларусі. Аўтар раманаў «Плач перапёлкі» і «Апраўданьне крыві», якія апавядаюць пра трагічныя падзеі пачатку Вялікай Айчыннай вайны ў Беларусі.

XS
SM
MD
LG