Лінкі ўнівэрсальнага доступу

Як журналіст з Галяндыі шукаў у Беларусі прыкметы дыктатуры


Ілюстрацыйнае фота. Менскі АМАП арыштоўвае ўдзельніка пратэсту на Кастрычніцкай плошчы. 26 сакавіка 2017 году

«Гуляючы па Менску, — піша журналіст галяндзкага выданьня Reformatorisch Dagblad​ Міхіл Дрыбэрген, — я задаю сабе пытаньне: вось Беларусь прынята лічыць апошняй дыктатурай у Эўропе, але як гэта можна заўважыць?».

Прывабныя асаблівасьці беларускай сталіцы

Журналіст выданьня Reformatorisch Dagblad Міхіл Дрыберген (Michiel Driebergen) піша пра сваю паездку ў Менск.

«Падчас маёй апошняй паездкі ў Беларусь мяне не цікавіць палітыка. Мае мэта — наведаньне новага прамысловага комплексу, нататкі пра прадпрымальнікаў і турыстычны патэнцыял беларускай сталіцы.

Нягледзячы на тое, што на пачатку 2017 году Беларусь адмяніла візы для грамадзянаў ЭЗ і ў тым жа Менску можна знаходзіцца пяць дзён без адпаведнай візавай адзнакі, турыстаў з Эўропы ў гэтым горадзе няшмат. Мала хто вырашыў падарожнічаць у гэтую постсавецкую краіну.

Той, хто ўсё ж адважыўся зрабіць такі шлях, пераконваецца: беларуская сталіца мае прывабныя асаблівасьці. Калі спытацца ў менчукоў пра іх горад ды краіну, лёгка зразумець, што яны любяць Менск ды Беларусь і ганарацца імі. Яны могуць увесь час расказваць вам цудоўную гісторыю свайго краю і прыроду, яе глыбокія блакітныя азёры. Для іх дыктатура — нешта само сабой зразумелае», — піша журналіст.

Праграмісты могуць займацца сваім бізнэсам

«Тое ж самае тычыцца і групы айцішнікаў, якая з кожным годам расьце і чые прадстаўнікі часта ня ведаюць нічога, апроч сваёй справы. Прэзыдэнт Лукашэнка пры ўладзе ўжо 23 гады, а праграмісты могуць свабодна займацца сваім бізнэсам. Гарадзкія падвалы пераўтвараюцца ў прастору, дзе можна займацца вынаходніцтвам, праграмаваньнем і атрымліваць ад гэтага асалоду», — піша аўтар.

«„Тут спакайней, чым ва Ўкраіне. У любым выпадку тут парадак“, — сказаў распрацоўшчык бесьпілётнага лятальнага апарата. Праграміст робіць яго ў Менску, аднак рэалізаваць мяркуе на эўрапейскім рынку.

На прамысловай пляцоўцы ў прыгарадзе Менску я нават бачыў дасягненьні рэжыму, які трымае ўсё пад кантролем. Прэзыдэнт Лукашэнка вырашыў разам з кітайскім калегам зрабіць зь Менску велізарны індустрыяльны транзытны горад, які адкрые Кітаю новыя гандлёвыя шляхі ў Эўропу.

„Калі прэзыдэнт кажа, то гэта здараецца“, — сьцьвярджае маладая жанчына, якая суправаджае мяне па будоўлі. Нядаўна беларускі кіраўнік падпісаў указ аб прывабных падатковых стаўках, і вось табе — колькасьць кампаній, якія захацелі тут працаваць, павялічылася».

Пакуль чалавек не канфрантуе з уладамі, у яго можа быць неблагое жыцьцё ў Беларусі

Як зазначае галяндзкі журналіст, ён ведае, аднак, Менск і з другога боку. Па леташніх падзеях у сакавіку, калі адбылася несанкцыяваная ўладамі дэманстрацыя і на вуліцу выйшла шмат людзей. Журналіст ніколі ня бачыў такой колькасьці добра падрыхтаваных міліцыянтаў ды вайскоўцаў, якія фактычна ачысьцілі вуліцу. Вялікую колькасьць людзей тады арыштавалі.

«Гэтым разам у Менску не было ніякага пратэсту. Было ціха, — піша Міхіл Дрыбэрген. — Да таго часу, пакуль чалавек не канфрантуе з уладамі, у яго можа быць неблагое жыцьцё ў Беларусі. Тады можна і не заўважаць дыктатуру. Але калі чалавек крытычна настроены, ён сутыкаецца зусім зь іншым».

Глядзець камэнтары (7)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG