Лінкі ўнівэрсальнага доступу

ЗША рыхтуюць аўганскае войска да наступальных дзеяньняў


Кіраўнік Цэнтральнага камандаваньня ўзброеных сіл ЗША генэрал Джозэф Вотэл
Кіраўнік Цэнтральнага камандаваньня ўзброеных сіл ЗША генэрал Джозэф Вотэл

Кіраўнік Цэнтральнага камандаваньня ўзброеных сіл ЗША генэрал Джозэф Вотэл у інтэрвію агенцтву Associated Press 2 студзеня заявіў аб падрыхтоўцы аўганскіх сіл да наступальных апэрацый.

Паводле генэрала, калі надыдзе час, войскам трэба будзе перахапіць ініцыятыву для вядзеньня баявых дзеяньняў. У Вашынгтоне разьлічваюць, што ўзброеныя сілы Аўганістану, навучаныя амэрыканскімі інструктарамі, будуць усё мацней нарошчваць ціск на праціўніка.

На ўсходзе Аўганістану ў правінцыі Нангархар у баі загінуў амэрыканскі салдат, яшчэ чацьвёра паранены. Інцыдэнт адбыўся 1 студзеня, амэрыканскае камандаваньне паведаміла пра гэта на наступны дзень, 2 студзеня.

Правінцыя Нангархар, якая мае агульную, але ўразьлівую мяжу з Пакістанам, у апошнія гады стала ўмацаваным раёнам тэрарыстычнай групоўкі «Ісламская дзяржава». Агенцтва Reuters удакладняе, што сілы джыхадыстаў значна ўзрасьлі з моманту іх аб’яднаньня на ўсходзе Аўганістану з часу іх зьяўленьня тут у пачатку 2015 году.

Атрады талібаў і джыхадыстаў у Нангархары ваююць адзін з адным, але і тыя, і другія зазнаюць амэрыканскія авіяўдары.

ЗША пачалі праводзіць ваенныя апэрацыі ў Аўганістане ў кастрычніку 2001 году. З тых часоў Вашынгтон страціў 2 тысячы 350 чалавек, больш за 20 тысяч былі параненыя. Ваенная кампанія ЗША ў Аўганістане да цяперашняга часу абышлася, паводле ацэнак Пэнтагону, у 680 мільярдаў даляраў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG