Ізраільская авіяцыя нанесла ўдар па вайсковым аб’екце палестынскага руху ХАМАС на поўдні сэктару Газы ў адказ на ракету, выпушчаную ў бок Ізраіля раней. Пра гэта гаворыцца ў паведамленьні прадстаўніка арміі абароны Ізраілю ў Twitter.
Інфармацыі пра пацярпелых няма.
Абстрэлы Ізраілю з сэктару Газы аднавіліся пасьля рашэньня ЗША прызнаць Ерусалім ізраільскай сталіцай. 6 сьнежня прэзыдэнт ЗША Дональд Трамп распарадзіўся пачаць падрыхтоўку да пераезду амбасады ЗША з Тэль-Авіву ў Іерусалім. У адказ лідэр ХАМАС Ісмаіл Ханія заклікаў палестынцаў да новай інтыфады.
