Чатыры чалавекі атрымалі раненьні ў навагоднюю ноч у выніку выбуху самаробнай бомбы ў Турыне. Пра гэта паведамляе італьянская газэта La Stampa.
Сярод пацярпелых — двое выхадцаў з Марока і двое італьянцаў. Паводле дадзеных выданьня, выбуховае прыстасаваньне было схаванае ў баку для сьмецьця.
La Stampa адзначае, што выбуховай хваляй разьбіла вокны ў 30 суседніх зь месцам выбуху дамах. Пашкоджаныя чатыры аўтамабілі.
Паліцыянты ў ходзе рэйду пасьля выбуху выявілі яшчэ 12 аналягічных выбуховых прылад, а таксама патроны.
