Аднымі зь першых Новы год сьвяткавалі ў Новай Зэляндыі. Больш за 5 хвілінаў працягваўся масіўны фаервэрк, які лепш назваць піратэхнічным шоў, са знакамітай Окляндзкай Sky Tower.
Навагодні салют — адно з галоўных відовішчаў году і ў Паўночнай Карэі. Неўзабаве пасьля вострапалітычнага навагодняга выступу Кім Чэн Ына, у якім ён заклікаў ствараць ядзерныя ракеты дзеля магчымай вайны з ЗША, мільёны карэйцаў маглі назіраць за фаервэркам у Пхэньяне.
У Менску асноўныя гуляньні адбываліся каля Палацу Спорту. Тысячы людзей сабраліся глядзець салют над Сьвіслаччу.
Сотні тысячаў выйшлі сьвяткаваць на цэнтральныя вуліцы Парыжу. У Заходняй Эўропе прынята сустракаць Новы год зь сябрамі на дварэ.
Штогод на Трыюмфальную арку праектуюць разнастайную візуалізацыю.
Сынгапур славіцца сваімі фаервэркамі. Нягледзячы на кепскае надвор'е і моцны дождж, людзі выйшлі на вуліцы, і сачылі за салютам пад парасонамі.
У Скоп'е тысячы македонцаў сабраліся на вуліцах вітаць 2018-ы.
Непаўторным відовішчам запомніцца Новы год у Сыднэі. Піратэхнічнае шоў адбывалася каля самога будынку знакамітай Сыднэйскай опэры.
У Кітаі Новы год сьвяткуюць ня толькі фаервэркамі, але і тэатралізаванымі пастаноўкамі. На фота актор Пэкінскай опэры рыхтуецца да шоў.
У Маскве людзі традыцыйна назіраюць за фаервэркам над Крамлём і саборам сьвятога Васілія.
Самая паўночная сталіца сьвету Рэйк'явік не саступіла буйным дзяржавам. Амаль усё насельніцтва горада магло любавацца навагоднім фаервэркам, які відаць зь любой кропкі горада.
У Лёндане навагодні фаервэрк — адна з найвялікшых забаваў гараджанаў. Найбольш прыгожа ён выглядае з боку знакамітага Біг Бэну.
А вось якія салюты і фаервэркі былі ў іншых гарадах сьвету.
