Лінкі ўнівэрсальнага доступу

Сотні загінуўшых на Філіпінах ад цыклёну і пажару


Выратавальнікі змагаюцца з пажарам у гандлёвым цэнтры ў Давао, Філіпіны, 23 сьнежня 2017. Крыніца фотаздымку: Tristan Ainin /via REUTERS

Паведамляецца пра 37 загінуўшых падчас пажару ў гандлёвым цэнтры ў горадзе Давао на поўдні Філіпін. У той жа час краіна перажывае наступствы магутнага трапічнага цыклёну Тэмбін. Яго ахвярамі ўжо сталі прынамсі 200 чалавек.

Змаганьне з пажарам у гандлёвым цэнтры ў Давао цягнулася некалькі гадзінаў. Месца трагедыі наведаў прэзыдэнт Радрыга Дуэртэ.

Прычыны пажару расьсьледуюцца, — паведамляе ВВС.

Спачуваньні сваякам загінуўшых выказаў МЗС Беларусі.

Трагедыя ў Давао здарылася ў той час, калі краіна змагаецца з наступствамі магутнага трапічнага цыклёну. 200 чалавек лічацца загінуўшымі, пошукі ахвяр і пацярпелых працягваюцца. Выратавальнікі яшчэ ня трапілі ва ўсе пацярпелыя раёны на высьпе Мінданаа.

Ліквідацыя наступстваў трапічнага цыклёну Тэмбін. Філіпіны, сьнежань 2017
Ліквідацыя наступстваў трапічнага цыклёну Тэмбін. Філіпіны, сьнежань 2017

Зьніклымі бязь зьвестак лічацца 150 чалавек. Каля 70 тысяч страцілі свае дамы.

У пацярпелых раёнах працягваюцца моцныя дажджы, няма электрычнасьці і заблякаваныя дарогі.

Тэмбін толькі набірае моц і накіроўваецца ў бок паўднёвага Віетнама. ААН прапанавала краіне дапамогу.

Ваша меркаваньне

Паказаць камэнтары

XS
SM
MD
LG