Лінкі ўнівэрсальнага доступу

Прэм’ер Гішпаніі паабяцаў дыялёг з новымі ўладамі Каталёніі


Марыяна Рахой

Прэм’ер-міністар Гішпаніі Марыяна Рахой гатовы да перамоваў з новым урадам Каталёніі. Пра гэта ён заявіў на прэс-канфэрэнцыі 22 сьнежня. Рахой падкрэсьліў, што дыялёг павінен праходзіць у рамках закону і што са спробамі парушыць Канстытуцыю ён пагаджацца не зьбіраецца.

Напярэдадні ў Каталёніі прайшлі датэрміновыя рэгіянальныя выбары. На іх перамаглі прыхільнікі незалежнасьці аўтаноміі. Галасаваньне прызначылі пасьля таго, як рэгіён абвясьціў аб аддзяленьні ад Гішпаніі па выніках мясцовага рэфэрэндуму. У адказ Мадрыд ўвёў у Каталёніі прамое кіраваньне і адправіў мясцовы ўрад у адстаўку.

Пасьля выбараў былы кіраўнік Каталёніі Карлэс Пудждэмон заклікаў гішпанскія ўлады сесьці за стол перамоваў. Палітык гатовы сустрэцца з прэм’ер-міністрам у любой краіне Эўразьвязу, акрамя Гішпаніі. Паводле Пудждэмона, для вяртаньня на радзіму яму патрэбныя гарантыі, што ён можа заняць пасаду кіраўніка новага каталёнскага ўраду. Аднак Рахой адкінуў прапанову Пудждэмона сустрэцца.

Ваша меркаваньне

Паказаць камэнтары

XS
SM
MD
LG