Амэрыканская прэса называе гэтае галасаваньне першай буйной заканадаўчай перамогай Рэспубліканскай партыі падчас кіраваньня прэзыдэнта Дональда Трампа. Раней законапраект быў зацьверджаны ў Сэнаце.
Рэспубліканцы настойваюць на тым, што пакет падатковых скарачэньняў для карпарацый, малога бізнэсу і фізычных асоб будзе спрыяць росту эканомікі. Правядзеньне рэформы можа апынуцца найважнейшым крокам да захаваньня большасьці ў Палаце прадстаўнікоў і Сэнаце па выніках прамежкавых выбараў у лістападзе 2018 году.
