Пра гэта заявіў кіраўнік ураду Ўкраіны Уладзімір Гройсман. «Што можа быць больш подлым і нізкім, чым абстрэл мірных жыхароў», — напісаў прэм’ер-міністар у фэйсбуку.
Сэпаратысты абстралялі Новалуганскае ўвечары 18 кастрычніка з сыстэм залпавага агню «Град». 8 мірных жыхароў атрымалі раненьні. Пашкоджаныя каля 50 дамоў, снарады таксама патрапілі ў будынка дзіцячага саду, школы і адной зь мясцовых мэдычных установаў.
Усяго, па дадзеных Кіева, сэпаратысты за апошнія суткі 16 разоў абстралялі пазыцыі ўкраінскіх вайскоўцаў, у тым ліку зь цяжкай артылерыі. У самаабвешчанай «Данецкай народнай рэспубліцы» заяўляюць пра 33 абстрэлы з боку ўрадавых войскаў.
Паводле зьвестак ААН, у Данбасе за тры гады вайны загінулі больш за 10 тысяч чалавек, у іх ліку тры тысячы мірных жыхароў.
