Інцыдэнт адбыўся каля 07:40 паводле мясцовага часу побач з мястэчкам Pierce County у штаце Вашынгтон.
З пакуль што невядомых прычынаў цягнік кампаніі Amtrak пад нумарам 501 у момант праезду маста над мясцовай шашой сышоў з рэек. Пры гэтым як мінімум два вагоны цягніка фактычна зваліліся з вышыні некалькіх мэтраў на дарогу, дзе ў гэты час рухаліся аўтамабілі.
Паводле выданьня Daily Mail, падчас інцыдэнту цягнік рухаўся з хуткасьцю каля 80 міль на гадзіну [больш за 120 км/г]. У вагонах агулам было каля 70 чалавек. Гэта быў першы дзень, калі гэты чыгуначны састаў дадалі ў расклад руху на маршруце Портлэнд - Сыэтл.
Прадстаўнікі ўлады пацьвердзілі гібель 6 чалавек. Мэдыкі паведамляюць, што 77 чалавек дастаўленыя ў шпіталі. Як паведамляе мясцовая паліцыя, сярод пацярпелых ёсьць і аўтамабілісты.