Лінкі ўнівэрсальнага доступу

Суд у Крыме сымбалічна зьмякчыў прысуд журналісту Міколу Семяну


Мікола Семяна

Падкантрольны Расеі Вярхоўны суд Крыму зьмякчыў прысуд журналісту Міколу Семяну ў частцы дадатковага пакараньня. Пра гэта паведамляе карэспандэнт Радыё Свабода з залі суду.

Суд зьмякчыў прысуд журналісту ў частцы дадатковага пакараньня — зьменшыў тэрмін забароны займацца публічнай дзейнасьцю з трох гадоў да двух.

Аўтара Радыё Свабода і Крым.Рэаліі, крымскага журналіста Міколу Семяну абвінавацілі ў публічных закліках да парушэньня тэрытарыяльнай цэласнасьці Расеі.

Чыгуначны раённы суд Сімфэропаля 22 верасьня прызначыў Міколу Семяну пакараньне ў выглядзе двух з паловай гадоў умоўна з выпрабавальным тэрмінам на тры гады і забаронай займацца публічнай дзейнасьцю.

Мікола Семяна сьцьвярджае, што ў сваіх матэрыялах ён рэалізоўваў права на «свабоднае выказваньне думкі».

Міністэрства замежных справаў Украіны, Дзярждэпартамэнт ЗША, Эўразьвяз і шэраг міжнародных арганізацый асудзілі вынесены Міколу Семяну прысуд.


У Крыме завялі крымінальную справу супраць журналіста за «сэпаратызм»

XS
SM
MD
LG