Пасьля гэтага яны паспрабавалі ўзяць штурмам уваходныя дзьверы Кастрычніцкага палаца, скандуючы «Пусьціце народ у народны дом», і ўступілі ў бойку з супрацоўнікамі праваахоўных органаў.
У палацы ўдзельнікі маршу зьбіраліся зладзіць штаб.
Украінская служба Радыё Свабода вяла прамую трансьляцыю зь месца падзеяў. На відэа бачна, што ў натоўпе быў ужыты сьлезацечны газ, таксама былі чуваць выбухі пэтардаў. Інфармацыі аб пацярпелых няма.
Новы марш за імпічмент (папярэдні адбыўся 3 сьнежня), быў арганізаваны прыхільнікамі лідэра «Руху новых сіл», экс-прэзыдэнта Грузіі і былога старшыні Адэскай аблдзяржадміністрацыі Міхэіла Саакашвілі.
Паліцыя паведаміла, што на яго выйшла каля дзьвюх тысяч чалавек, а за парадкам сачыла тысяча супрацоўнікаў паліцыі.
Па паведамленьні журналістаў, паліцыя і Нацгвардыя паспрабавалі перашкодзіць прыхільнікам Саакашвілі зайсьці ў палац і ўжылі вогнетушыцелі.
