Мэр Назарэта Алі Салам пастанавіў адмовіцца ад сьвяточнага фэстывалю і вялікага каляднага кірмашу, папулярнага сярод турыстаў. Паводле яго слоў, рашэньне прэзыдэнта ЗША Дональда Трампа сапсавала весялосьць сьвята. У цяперашні час большасьць жыхароў Назарэта — мусульмане. Толькі каля траціны насельніцтва горада вызнаюць хрысьціянства.
6 сьнежня прэзыдэнт Трамп распарадзіўся пачаць падрыхтоўку да пераезду амбасады ЗША з Тэль-Авіва ў Ерусалім. Працэдура можа заняць ад трох да чатырох гадоў. Рашэньне Трампа падвергнулі рэзкай крытыцы лідэры арабскіх краін. На палестынскіх землях пачаліся масавыя пратэсты і беспарадкі.