«Ёсьць інфармацыя, атрыманая ад галоўнага ўпраўленьня Службы бясьпекі ў Кіеве і Кіеўскай вобласьці, што ў сувязі з дакумэнтаваньнем злачыннай дзейнасьці Курчанкі, спэцслужбы Расеі прымаюць меры па выхаду на Саакашвілі і Дангадзе. Адзін з варыянтаў дэстабілізацыі сытуацыі, які можа мець месца, — магчымасьць ліквідацыі Саакашвілі і Дангадзе спэцслужбамі Расеі», — сказаў пракурор, абгрунтоўваючы неабходнасьць кругласутачнага хатняга арышту Міхэілу Саакашвілі.
Апроч таго, абвінавачаньне сьцьвярджае пра наяўнасьць прыкмет, што знаходзячыся на волі, Міхэіл Саакашвілі «працягне ўчыняць злачынства».
Пад час разгляду хадайніцтва пракуратуры Міхэіл Саакашвілі быў зьмешчаны ў «клетку». Але пасьля адпаведнага звароту адвакатаў, суд дазволіў палітыку знаходзіцца побач са сваімі праваабаронцамі.
